Ka Jingpynshisha Ia Ki Jingphohsniew Ba Shisha

Ngi la ju iohsngew bad la tip bha shaphang ka jing-pynshisha ïa ki jingphohsniew jong ngi, kiba ha kawei ka liang, ngi lah ban khot ki jingkwah ne ki jing-thrang jong ngi. Hynrei haba ngi kren pat shaphang ki jingphohsniew ba shisha, ngi tip ba ka long kaba eh ban pynurlong ia ki. Hangne, da kaba peit bniah ïa ka jing-phohsniew jong u Ioannis Bosko ha ka rta ba dang 9, ngin sa peit ïa ka jinglah ban pynshisha ïa ki jing-phohsniew.

KA JINGPHOHSNIEW U IOANNIS HA KA RTA BA DANG KHYNDAI
Ha ka rta ba dang khyndai, u Ioannis u la phohsniew ba u don hapdeng ki khynnah kiba ïa-shoh ïa-dat. U la iohi ïa u Jisu uba la wan paw bad uba la ai ïa la ka Kmie ban long ka Nonghikai jong u. Kita ki khynnah pat de ki la kylla long kum ki mrad ba runar, bad kham hadien ki la kylla long noh kum ki langbrot ba jemnud. Ha ka por mynstep haba u la ïathuh ha la I mei, I meirad bad ki hymen. Te ki la ai ïa la ka jong ka jong ka jing-batai. I meirad ila ong ia u ban nym pynsngap ïa ki jingphohsniew. U pat u la jan ïa mynjur bad I, hyn-rei um shym la lah ban klet noh ïa kata ka jing-phohsniew.

WAT NYM PYNGSGAP IA KI JINGPHOHSNIEW
Imat dei tang I meirad iba la sot na ka Jingthoh Bak-huid haba I ong: Wat nym pynsngap than ïa ki jingphohsniew.(Sir34:6) Kane la long kum ka jingsneng tymmen bad ka long ruh kaba dei ha kawei ka liang namarba ki jingphohsniew ki long tang ki jingmih na ki jingpyrkhat jong ngi. Ha kaba iadei bad u Ioannis, u dang long tang u khynnah rit bad kan jin da la long kaba suk ïa u ban shu klet noh ïa ka.

HYNREI NGAM SHEM LA LAH BAN KLET NOH IA KA
Kaei pat kaba la pynlong ïa u Ioannis ban kymmaw sahïa kata ka jingphohsniew? Ha ka jingshisha kane ka jing-phohsniew ka la wan biang ar-sien lai-sien ha ka jingim jong u. Haba la kem bad la leh-bein ïa ki Apostol, u Gamaliel u la ong: ―Ieh ïa ki kumto, namar lada kane ka rukom leh bad ka jingtrei jong ki ka long kaei kaei kaba shu thaw briew, kan jah lngaid hi‖(Kam5:38) Kumjuh ruh lada kata ka jing-phohsniew jong u Ioannis ka long na ka daw ka jingpyrkhat jong u kan sa jah hi suki suki. Hynrei, u khlem la lah ban klet noh ia ka, kaba mut lehse don ba pynkynmaw ïa u. Ngi phai biang sha u Sirak uba ong ba wat nym pynsngap than ïa ki jing-phohsniew lymda ki dei ka Jingpynleh jong u Bahalor.(34:6) Kumta ngi tip ba ka jingkynmaw sah jong u Ioannis ïa kata ka jingphohsniew ka long namar ka Jingpynleh jong u Blei.

Ka Konstitushon jong ka Seng Salesian ka ong ba u Don Bosko u don ïa ka jingkhleh lang ba i-tynnad jong ka Jin-gaiei jong u Blei bad ki sap ki phong ba u don.(Art21) Dei na kane ka daw ruh ba u la lah ban pyniasoh lang ïa ka jing-phohsniew jong u bad ka Jingaiei jong u Blei.
Kumta, ngi lah ban ong ba ia u Don Bosko la ju tip kum u paralok ki samla namarba u la lah ban pynurlong ne ban pynshisha ïa ka jingphohsniew ba shisha jong u ha kaba u la ioh ïa la ka kamram ban trei na ka bynta ki khynnah samla. Ka dei ïa ngi pat iwei-pa-iwei ban hikai na u, ba dei tang ha ka Jing-pynleh u Bahalor bad ha ka jin-glah jong ngi ban pyniasoh lang ia ka mon jong u Blei bad ia ka mon jong ngi, ba ngin sa lah ban pynshisha ïa la ki jong ki jing-phohsniew.

Cl. Hubert Lyngdoh

Ka Jingieid Bashisha Ka Pynkylla Ia Ka Dohnud Briew

Ha u snem 1999, ha kawei ka shnong kaba kyrteng shatjingtngen, la don argnut shiparalok ki ba ia jan bad ia ieid bha. Ka la jia ba ki la ia san ia heh ryngkat naduh ba ki dang ia khynnah. Ka kyrteng jong ki ka long u Firsty bad ka Daphi. Ki ia ieid bha bad ki ju leit jingleit lang ruh.
Ka por ka iaid bad ka jingieid jong ki ruh ka dang skhem. Ki im ka jingim kaba kmen bha. Ka Daphi ka long ka khynnah kaba shlur bad ka ba kham dakaid ruh, katba u Firsty pat u long u ba tipsngi, ba khuid jingmut bad u ba jai-jai. U kloi ban iarap ia kiwei khamtam lei ia I Daphi.

Haba ka Daphi ka ju leh bakla u ju sneng ia ka, u ju pyni ia ka lynti badei bad u sngewsih jur haba ka paralok jong u ka leh bakla. U ju pyrkhat tang kumno ban pynkmen bad pyn-kylla ia ka jingim jong ka ba kan long ka kynnah ba tipsngi. Bunsien ka Daphi ka ju thok bad pyn-donkam ia u Firsty ban leh ki kam naka bynta jong ka. Bunsien ka ju dom ia u hynrei um ju pynpaw ba u dom ia ka. Ki por ki iaid, ka sngi ka mih, ki bnai ki iaid. Mynta baroh arngut ki la ia samla bad ki la pass ia ki kyrdan skul, ki hap ban leit noh sha ki kolej.

Ka la jia ba baroh arngut ki ioh rung ha ka juh ka kolej. Dei hangne ba ka lynti bad ka khyrdop sha kaba bha bad ba sniew ka plié ia ki. Ka jingim jong ki ka kylla. Ka Daphi ka la ia leit lang bad ki parolok kiba ialam bakla iaka bunsien, hynrei ma ka pat kam sngew ei ei. Teng teng ka leh ki kam ba pyrshah ia ka imlang sahlang ruh. U Firsty pat um ju thait ban pyni ia ka lynti badei. hynrei ka Daphi kam pynsngew satia, ka iaid la ka jong ka lynti. Wat lada ka ju niew bein ia u hynrei um ju pynsngew satia.

Hadien kumba shi snem ei ei ka iohsngew ba u Firsty u pang jur bha te ka la leit ban peit ia u hapoh hospital. Ha ba u Firsty u iohi ia ka, da ka khmat baphuh samrkhie bad ka myn-siem ba dap jingieid, u kdup ia ka ryngkat bad ki ummat ba kmen. Hynrei….hadien shipor u la aiti noh ia la ka mynsiem ha la u Nongthaw……. Mynta shano kein kan phai, u paralok ba ieid eh ia ka mynta um don shuh. Katno ka mynsiem jong ka ka pang. Tang ba kam lah leh ei ei shuh. Tangba mynta ka sngewthuh iaka jingieid bashisha. Ka jingieid bashisha u Firsty ka long kum ki kjat sngi ba tyngshain halor jong ka ba kan ieng hala ki jong ki kjat……..

Cl. Fisrstbornson Jyrwa